9 и 10 марта 2024 года на сцене театра им. Дунина-Марцинкевича состоятся гастроли Национального академического драматического театра Якуба Коласа (Витебск).
Спектакли идут на белорусском языке.
9 сакавіка 2024 года ў 18.00
«ФАНЦІКІ» (16+)
Камедыя на 2-е дзеі
Аўтар — Рэй Куні
Працягласць спектакля – 2 гадзіны 15 хвілін з антрактам
Сціплы англійскі бухгалтар Генры Перкінс памылкова ў свой дзень нараджэння прыносіць дадому чамаданчык з каласальнай сумай грошай. Сямсот трыццаць пяць тысяч фунтаў стэрлінгаў! Бедны клерк зусім шалее ад захаплення такім багаццем – і вырашае узяць рэванш за шэрае існаванне на адну зарплату, збегчы з жонкай на край свету, каб жыць выключна ў сваё задавальненне. Вось толькі калі так было, каб атрымлівалася тое, чаго нам хочацца? Перашкаджаюць сябры, паліцэйскія, таксіст і нават наёмны забойца. А прага грошай змяняе свядомасць – і героі грэбуюць каханнем, сяброўствам, гонарам і абавязкам. Як жа нованароджанаму багацею і ўсім навокал не аслепнуць ад «ззяння золата» і захаваць хаця б крыху сумлення?!
Цана білета – 10,00 руб., 12,00 руб., 15,00 руб.
10 сакавіка 2024 года ў 12.00
«Усе мышы любяць сыр» (0+)
Рамантычная казка для дзяцей і дарослых
Аўтар — Дзьюла Урбан
Працягласць спектакля — 1 гадзіна
Галоўныя героі казкі — два вясёлыя мышаняты, Фружы і Шома. Яны маглі б сябраваць і гора не ведаць, але перад імі ўзнікае сур’ёзная перашкода: Фружы – белага колеру, а Шома — шэрага. Гэта розніца бачна ўсім, і асабліва – бацькам герояў, якія бясконца спрачаюцца адно з адным і са сваімі дзецьмі. Але да шчасця, на дапамогу мышанятам прыходзіць Ізольда, Вялікая Чараўніца-Кошка. У фінале гісторыі ўсё ўстае на свае месцы, і героі знаходзяць шчасце. Бо насамрэч колер не важны, а важна, што ўсе мышы, без выключэння, любяць сыр!
Адпраўляйцеся хутчэй і вы ў неверагодную прыгоду разам з адважнымі мышанятамі. Спазнайце чароўную сілу дабра ў гэтай дзіўнай, амаль шэкспіраўскай гісторыі.
Спектакль «Усе мышы любяць сыр» пастаўлены па п’есе выдатнага венгерскага драматурга Дзьюлы Урбана, аўтара несмяротнай казкі «Блакітны шчанюк», што даўно стала класікай дзіцячай драматургіі і мультыплікацыі.
Цана білета – 8,00 руб., 10,00 руб., 12,00 руб.
10 сакавіка 2024 года ў 18.00
«Саня, Ваня, з імі Рымас» (16+)
Жыццёвая меладрама на 2-е дзеі
Автор — Уладзімір Гуркін
Працягласць спектакля – 1 гадзіна 40 хвілін з антрактам
Лёсы трох сясцёр з далёкай уральскай вёскі пераплеценыя паміж сабой. Яны разам працуюць, выхоўваюць дзяцей, жартуюць і спяваюць бяседныя песні… Спадзяюцца, што навала Вялікай Айчыннай вайны не кране іх… Бяда прыходзіць нечакана, калі на Івана, мужа Аляксандры, і на Пятра, мужа Соф’і, піша данос разбэшчаны старшыня калгаса. Папярэджвае пра гэта мясцовы міліцыянер Рымас Паціс. Кармільцам толькі адна дарога – на фронт дабравольцамі, каб там бараніць сваіх каханых і родных. У тыле застаецца Міхаіл, муж Ганны, – аднаногі інвалід, які працуе на канюшні.
Вайна мінае… Пад Сталінградам загінуў Пётр, ад гора памерла яго Соф’я… Аляксандра не дачакалася Івана, і збіраецца звязаць свой лёс з Рымасам, які дапамагаў сям’і выжыць у галодныя ваенныя гады. Але Іван усё ж такі вяртаецца…
У спектаклі пастаянна чуецца трывожнае водгулле вайны, адзінага адмоўнага персанажа п’есы. Але пад ціскам жыццёвых выпрабаванняў героі не сталі злоснымі, помслівымі – яны захавалі ў сабе чалавечую годнасць, міласэрнасць, дабрыню. Яны застаюцца напоўненымі любоўю адно да аднаго.
П’еса «Саня, Ваня, з імі Рымас», напісаная ў 2005 годзе, разам з вядомымі драматургічнымі творамі «Прыбайкальская кадрыль» і «Любоў і галубы» ўваходзіць у склад трылогіі так званых «вясковых гісторый».
Цана білета – 10,00 руб., 12,00 руб., 15,00 руб.
1
